فيه سبب إن باتمان 🦇 ما يعقد مؤتمرات صحفية من الكهف..
أفضل الأعمال تصير في الصمت.. مو صمت الخمول، صمت التركيز العميق. النوع اللي تمر فيه ساعات وما تحس لأنك منغمس كلياً في حل مشكلة تستاهل.
أبني منتجات من سنين، والنمط دايم نفسه: أعلى الفرق صوتاً أقلها إنتاجاً.. اللي يختفوا لأسابيع يرجعوا بشي استثنائي!
فخ الاستعراض
السوشال ميديا حوّلت البناء لرياضة استعراضية. “البناء أمام الجمهور” صار يُحتفى فيه. تحديثات يومية، ثقافة الثريدز. مشاركة أرقام إيراداتك قبل ما تحل مشكلة الاحتفاظ بالعملاء.
ما عندي شي ضد الشفافية. لكن فيه فرق بين مشاركة رحلتك واستعراض رحلتك. واحدة كرم. والثانية إلهاء متنكر بثوب الكرم.
ليش الكهف يشتغل
لما تشتغل بصمت:
- تقدر تغيّر اتجاهك بدون ما تبرر لأحد
- تقدر تفشل وتجرب بدون جمهور
- تقدر تركز على المشكلة بدل الرواية
- تقدر تطلق لما يكون جاهز، مو لما متابعينك يتوقعوا
الكهف مو عن السرية. عن خلق الظروف اللي تخلي العمل العظيم ممكن..
المخرجات تتكلم
في النهاية، لازم تطلع. لكن لما تطلع، تطلع بشي حقيقي يعمل فرق. مو ثريد عن اللي ناوي تبنيه. الشي (المنتج) نفسه!
ابنِ بصمت. فكّر بصوت عالي. خلّي الشغل يتكلم.