Released: iWork Studio — وليد أركنجي

المشكلة اللي ما كان لها حل

جرّب تخلي الذكاء الاصطناعي يقرأ ملف Numbers.. أو يعدّل عرض Keynote.. أو يسوي مستند Pages من الصفر. وشفت النتيجة؟ يا يتلعثم، أو ينسخ الملف لصيغة ثانية ويخرب لك التنسيق، أو يسكت تماماً.

ما لقيت شي يبرد الخاطر.. فقلت لازم أسويها بنفسي.

فكّيت الملفات بروتوباف protobuf، وفهمت الـ sandbox تبع آبل، ووثّقت كل التفاصيل الصغيرة اللي كانت مخفية. ومن هنا بنيت مكتبة كاملة.. واليوم أطلقها لكم.

إطلاق: iWork Studio

اليوم أعلن عن إطلاق iWork Studio: مكتبة بايثون مفتوحة المصدر تخلي وكلاء الذكاء الاصطناعي (أي أداة تشتغل بـ Claude أو غيره) تقرأ وتعدّل وتنشئ ملفات Numbers وKeynote وPages من آبل.

المكتبة مو مجرد تجربة.. إنها ثابتة: 76 اختبار كلهم أخضر. العربي يكتب ويرجع بالحرف نفسه. وكل كتابة تمر على دايرة أمان: باك أب، إعادة قراءة، تبديل سريع في مكانه، مو أي شي يمر.

لمن؟ لكل مستخدم آبل يحب أدواته ويبغى يستخدم الذكاء الاصطناعي معها، بدون ما يضحي بالتنسيق أو يستخدم صيغ غريبة.

وين؟ مكتبة مفتوحة المصدر على GitHub، ومعها ملفات تثبت كل كلمة: https://github.com/Arkanji/iwork-studio

أهم ميزة.. الرفض

اللي أفتخر فيه مو إن المكتبة تسوي كل شي.. إنها تعرف متى تقول لا. ملف فيه رسم بياني؟ ترفض. ملف من إصدار أحدث؟ ترفض الكتابة. ملف Pages والعمليات مو واثق منها؟ تقولها لك بوجه مكشوف.

لأن أي أداة تدّعي إنها تسوي كل شي.. تكون كذبت عليك قبل ما تخدمك.

وكل ملف آبل يستاهل يحترم صاحبه.. والـ AI يستاهل أدوات تليق بالصندوق المغلق..

كيف تجربها:

تحميل: git clone https://github.com/Arkanji/iwork-studio.git
تثبيت: pip install numbers-parser==4.19.0 keynote-parser==1.14.5.0 PyMuPDF==1.28.2 python-docx==1.2.0
أو استخدم الـ skill في وكيلك مباشرة

جرّبها، وخلّ الذكاء الاصطناعي يشتغل مع آبل.. مو بس مع ميكروسوفت.

الدهشة

المدهش إن هالفراغ اللي سدّيناه اليوم، مكتبات ميكروسوفت مثل docx و pptx سادّته من سنين. مستخدمين آبل كانوا ينتظرون حل، مو من آبل، بل من المجتمع. واليوم سدينا فراغ جديد.

الممر

بس هنا ما ينتهي الكلام.. في تفاصيل، وتحديات، ومحاولات فاشلة، ودروس. بكتبها لكم في تدوينة ثانية.

لين نلتقي في التدوينة الجاية.. وكل ملف آبل عندك هو اللي يقرر وين..